كتێبخانه

ئه‌م یەکەیە له‌ مارتى ٢٠٠٩ به‌دواوه‌ كارى له‌سه‌ر كراوه‌. جگە لەو کتێب و گۆڤار و ڕۆژنامانە کە کڕدراون، ژمارەیەکی زۆری بنەماڵەیش کۆکراوەی کتێبی خۆیان بە دیاری پێشکەش‌کردووە. کۆکراوەی گرنگ و ژمارە زۆریان لە ژووری تایبەت‌دا دانراون و پێڕست‌کراون، کۆکراوەی ژمارە کەمیشیان پاش تۆمارکردنیان بەناوی خاوەنەکانیانەوە، تێکەڵ بە کتێبخانەی ناوەندی کراون. 

کتێبخانەی ئەلکترۆنی

کتێبخانە لەم بەشانەی لای خوارەوە پێک‌دێ و هەریەکە شوێنی تایبەتیان بۆ تەرخان‌کراوە: 

١. کتێبخانەی ناوەندی:

بەشی هەرە بنچینەییی ئەم یەکەیەیە، کتێبی سەبارەت بە مێژووی کورد و کوردستان و گەلانی دراوسێ و قۆناغە جیاجیاکانی مێژووی ناوچەکەی بە زمانانی جیاجیا تێدا کۆکراوەتەوە. 

٢. کتێبخانەی چاپکراوی دەگمەن: 

٣. کتێبخانە تایبەتەکان:

كۆكراوه‌ى كتێبى چه‌ند بنه‌ماڵه‌یه‌كه‌ كه‌ له‌به‌ر بایەخ و ژماره‌زۆرییان سه‌ربه‌خۆ له‌ ژوورى تایبه‌ت‌دا دانراون، وه‌ك: شێخ محه‌مه‌دى خاڵ، مەلا عەبدولکەریمی مودەرریس، د.كه‌مال فوئاد و د. ئیحسان فوئاد، هیلال ناجى، عادل موراد، تۆفیق وەهبی، ڕەفیق حیلمی، د. فازیل مەحموود، محەمەدی مەلا کەریم، جەلیل ئەحمەد، د. عه‌بدوڵڵا ئاگرین، عوسمان ئەبوبەکر، ڕەفیق ساڵح و سدیق ساڵح.

تیبینی: کتێبە لاتینییەکان ئینگلیزی، فەرەنسی، ئەڵمانی، ڕووسی و …. دەگرنەوە.

٤. ڕۆژنامەوانی:

ئەم بەشە لە کتێبخانە بەشی هەرە زۆری گۆڤار و ڕۆژنامە و بڵاوکراوە کوردییەکان و ئەوانەیشی کە کورد بە زمانی‌تر دەری‌کردوون، یا بەرهەمی ڕۆژنامەوانیی گەلانی ناوچەکەن، تێدا کۆکراونەتەوە.

 ئاماری ڕۆژنامە و گۆڤارەکانی بەشی ڕۆژنامەوانی بەپێی زمان

ئاماری ڕۆژنامە و گۆڤارەکانی بەشی کتێبخانە تایبەتەکان

ئاماری ڕۆژنامە و  گۆڤارە دیجیتاڵکراوەکان

٥. کتێبخانەی پەروەردە:

ئەم بەشە کتێبەکانی -بەگشتی- پێڕەوی خوێندنی فەرمی و هەر سەرچاوەیەکی‌تری پێوەندیدار بە پەروەردەی تێدا پارێزراون.  

چەند ئامارێکی تایبەت بە یەکەی کتێبخانە:

ئاماری کتێبی هەموو بەشەکانی یەکەی کتێبخانە بەپێی زمان

ئاماری کتێبی تۆمارکراو و تۆمارنەکراو لە داتابەیزدا