یەکەی به‌ڵگه‌نامه

به‌ڵگه‌نامه‌ى كۆكراوه‌ى ئه‌م یەکەیە پێوه‌ندیى به‌ كورد و كوردستان و عیراق و ناوچه‌كه‌وه‌ هه‌یه‌، به‌شى زۆریان ئه‌سڵین و ئه‌وه‌ى‌تری وێنه‌گیراوه‌. ساڵانى ڕابوردوو بڕێكی زۆر لە به‌ڵگه‌نامه‌، جگه‌ له‌ كوردى، به‌ زمانانى‌تر كۆكراوه‌تەوە، سه‌ربارى كۆكردنه‌وه‌ى ئه‌ده‌بیاتى حیزبى و سیاسى و نووسراوگه‌لى حكوومى و ناحكوومى و بنەماڵەیی.

هێشتا ئاماری وێنەکان و بەڵگەنامەکان نەگیراوە، لەبەرئەوەی کێشەی چۆنایەتیی کۆدەکانی پێڕستکردن و داتابەیزێکی دروست تا کۆتاییی ساڵی ٢٠٢٤ چارەسەرنەکرا و یەکلانەبووەوە. 

ئەم یەکەیە لە دوو بەش پێک‌دێ:

١. نووسراو:

 کۆکراوەی بەڵگەنامەی نووسراو، نەخشە، کارت، پوول و پۆستەر دەگرێتەوە، کە تا ٢٠٢٤ پۆلێنێکی سەرەتایی کراوە بەپێی جۆری بەڵگەنامە و کەسەکان و حیزب و دەزگا و ڕێکخراو و بنەماڵەکان. بەڵگەنامەکانی ئەم بەشە، سەرجەمیان سکان‌کراون.

ئاماری نەخشە (الخرائط)

ئاماری تایبەت بە پۆستەر و ساڵنامە

ئاماری ڕۆژژمێری باخەڵ

ئاماری پوول بەپێی وڵاتان

ئاماری کارت

٢. وێنە و دەنگ و ڕەنگ:

وێنەی هەمەجۆر و تۆماری دەنگی و ڤیدۆیی لەم بەشەدا کۆکراونەتەوە. وێنەکان بەشێکیان ئەسڵین و بەشێکی‌تریان دیجیتاڵین و کەس و بنەماڵەکان ڕێیان‌داوە وێنەیان لێ‌بگرینەوە. تۆمارە دەنگی و ڤیدۆیییەکانیش، کە بەگشتی بیرەوەری و بابەتی مێژوویین، لەسەر شریت و بەکرە و کاسێتی جۆراوجۆری ڤیدیۆیین. چەند ئامێرێکی تایبەت بۆ گواستنەوەی ئەم تۆمارانە بۆ سەر کۆمپیوتەر دابین‌کراوە. کاری ئامارگرتن و سازکردنی مێتاداتا بۆ ئەم کەرەستانە بەردەوامە. 

ئاماری دەنگ و ڕەنگ تا کۆتاییی ٢٠٢٤