بڵاوکراوەی هەواڵی دەستنووسی عەرەبی (أخبار المخطوط العربي” کە بڵاوکراوەیێکی هەواڵیی وەرزییە پەیمانگەی دەستنووسی عەرەبیی سەر بە کۆمکاری دەوڵەتانی عەرەبی (جامعة الدول العربیة) لە قاهیرە دەری‌دەکا و بەڕێز دکتۆر موراد ڕیفی بەڕێوەبەری بەرپرس و سەرۆکی نووسینیەتی، هەواڵێکی بە ناونیشانی بنکەی بەڵگاندن و لێکۆڵینەوەی ژین (مرکز ژین للتوثیق والدراسات)ەوە لە ژمارە ١٦٥ی مانگی مارتی ٢٠٢٤ی خۆی‌دا، سەبارەت بە بنکەی ژین بڵاوکردووەتەوە؛ باسی هەریەکە لە یەکەکانی کتێبخانە بە بەشەکانی کتێب و گۆڤار و ڕۆژنامەوە، گۆڤاری ژین و بەڵگەنامە و بەتایبەت یەکەی دەستنووس و بەشی مشتوماڵدانی کەرەستەی ڕۆشنبیریی کردووە و پوختەیێکی زانیاریی لەبارەوە خستووەتە بەرچاو.
جێگەی باسە، بەڕێز سەرۆکی ئەنجومەنی بەڕێوەبردن و بەڕێوەبەری بنکەی ژین، ڕۆژانی ٢٦/١-١/٢/٢٠٢٤ سەری لە شاری قاهیرە و ئەو پەیمانگەیە دا و لە نزیکەوە ئاشنای‌کردن بە بنکەکەمان، بە مەبەستی پێوەندی‌گرتن لەگەڵیان و سوودبینین لە شارەزایی و ئەزموونیان. بۆ دەقی ڕاپۆرتەکە، بڕوانە ئەم بەستەرە: