كتێبخانه

ئه‌م بەشە له‌ مارتى 2009 به‌دواوه‌ كارى له‌سه‌ر كراوه‌، بۆ كۆكردنه‌وه‌ى كتێب و بڵاوكراوه‌كانى مه‌یدانى كارى بنكه‌ و دانانى بنچینه‌ى كتێبخانه‌یه‌كى نیشتمانیى كوردى. هێندێ كه‌س و بنه‌ماڵه‌ كۆكراوه‌ى كتێبى خۆى پێشكه‌شى بنكه‌ كردووه‌ و تێكه‌ڵ به‌ كتێبه‌كانى بنكه‌ كراون، وه‌ك محه‌مه‌د نوورى “عه‌ترى گڵۆڵانى”، مه‌حموود مه‌لا عیززه‌ت، شێخ قادر به‌رزنجى، حسێن فه‌یزوڵڵا جاف، حه‌سه‌ن عه‌بدولكه‌ریم، حه‌سه‌ن حه‌مه‌سوور، هێرۆ ئیبراهیم ئه‌حمه‌د، نه‌سرین فه‌خرى، حامید فه‌ره‌ج، شێخ تاڵیبى شێخ حه‌مه‌غه‌ریب، دكتۆر جه‌میل شه‌ره‌ف، محه‌مه‌د سه‌عید میرزا مه‌حموود، هۆشیار شێخ مسته‌فا خاڵ، دارا عه‌تار، یاسین سابیر ساڵح، سه‌میر ئه‌سعه‌د، سدیق ساڵح. ئه‌م بەشە له‌مانه‌ى لاى خواره‌وه‌ پێك‌هاتووه‌:

 ١. گشتی

١.١. کتێب: بریتییە لە کۆکراوەی سەرچاوە بە زمانانی جیاواز، سەبارەت بە کورد و کوردستان ناوچەکە، بەم شێوەیە:

کوردی: كتێبى كوردى له‌ سه‌ره‌تاى ده‌رچوونیه‌وه‌ تا 1991، هه‌وڵ بۆ به‌ده‌ستهێنانى دراوه‌ و سه‌ره‌نجام به‌شى هه‌ره‌زۆرى لێ كۆكراوه‌ته‌وه‌ و وێنه‌ى ئه‌لكترۆنییان گیراوه‌ته‌وه‌. كۆى كتێبه‌ كوردییه‌كان تا كۆتاییى 2016 (6359)یه‌.

عه‌ره‌بى: كتێبه‌كانى سه‌باره‌ت به‌ كورد و كوردستان، مێژووى عیراق و ئێران و عوسمانى و توركیا، سه‌رچاوه‌كانى ده‌ستى یه‌كه‌مى مێژووى ئیسلام و جوگرافیاى وڵاتانى ئیسلامى، ئایین و مه‌زهه‌به‌كانى ئیسلام، مه‌سیحى، ئێزدى، كاكه‌یى، جووله‌كه‌، سابیئى، ..  پێڕستى ده‌ستنووس، ژیاننامه‌ى زانایان و نووسه‌ران له‌م به‌شه‌دا كۆكراونه‌ته‌وه‌. كۆكراوه‌ى عه‌ره‌بى تا كۆتاییى 2016 (7223) كتێبه‌.

فارسى: تایبه‌ته‌ به‌ سه‌رچاوه‌كانى مێژووى ئێران، پێڕستى ده‌ستنووس و مێژووى كورد و كوردستان و ناوچه‌كه‌. كۆكراوه‌ى ئه‌م به‌شه‌ تا كۆتاییى (2016) گه‌یشتووه‌ته‌ (2403) ناونیشان به‌ (7223) كتێب.

زمانى دیكه: كتێبى دیكه‌ى مێژوویی له‌ باره‌ى كورد و كوردستان و عیراق و ناوچه‌كه‌وه‌ به‌ ئینگلیزى، فه‌ره‌نسه‌یى، ڕووسى، ئه‌ڵمانیایى، ئیتاڵیایى، گریكى، .. كۆكراوه‌ته‌وه‌، له‌وانه‌ (383)یان به‌ ئینگلیزى، (76) به‌ فه‌ره‌نسه‌یى، (73) به‌ ڕووسى …

٢. تایبەت:

كۆكراوه‌ى كتێبى چه‌ند بنه‌ماڵه‌یه‌كه‌ كه‌ له‌به‌ر ژماره‌زۆرییان سه‌ربه‌خۆ له‌ ژوورى تایبه‌تدا دانراون، وه‌ك شێخ محه‌مه‌دى خاڵ، دكتۆر عه‌بدوڵڵا ئاگرین، دكتۆر كه‌مال فوئاد و دكتۆر ئیحسان فوئاد، هیلال ناجى.

کوردی: كتێبى كوردى له‌ سه‌ره‌تاى ده‌رچوونیه‌وه‌ تا 1991، هه‌وڵ بۆ به‌ده‌ستهێنانى دراوه‌ و سه‌ره‌نجام به‌شى هه‌ره‌زۆرى لێ كۆكراوه‌ته‌وه‌ و وێنه‌ى ئه‌لكترۆنییان گیراوه‌ته‌وه‌. كۆى كتێبه‌ كوردییه‌كان تا كۆتاییى 2016 (6359)یه‌.

عه‌ره‌بى: كتێبه‌كانى سه‌باره‌ت به‌ كورد و كوردستان، مێژووى عیراق و ئێران و عوسمانى و توركیا، سه‌رچاوه‌كانى ده‌ستى یه‌كه‌مى مێژووى ئیسلام و جوگرافیاى وڵاتانى ئیسلامى، ئایین و مه‌زهه‌به‌كانى ئیسلام، مه‌سیحى، ئێزدى، كاكه‌یى، جووله‌كه‌، سابیئى، ..  پێڕستى ده‌ستنووس، ژیاننامه‌ى زانایان و نووسه‌ران له‌م به‌شه‌دا كۆكراونه‌ته‌وه‌. كۆكراوه‌ى عه‌ره‌بى تا كۆتاییى 2016 (7223) كتێبه‌.

فارسى: تایبه‌ته‌ به‌ سه‌رچاوه‌كانى مێژووى ئێران، پێڕستى ده‌ستنووس و مێژووى كورد و كوردستان و ناوچه‌كه‌. كۆكراوه‌ى ئه‌م به‌شه‌ تا كۆتاییى (2016) گه‌یشتووه‌ته‌ (2403) ناونیشان به‌ (7223) كتێب.

زمانى دیكه: كتێبى دیكه‌ى مێژوویی له‌ باره‌ى كورد و كوردستان و عیراق و ناوچه‌كه‌وه‌ به‌ ئینگلیزى، فه‌ره‌نسه‌یى، ڕووسى، ئه‌ڵمانیایى، ئیتاڵیایى، گریكى، .. كۆكراوه‌ته‌وه‌، له‌وانه‌ (383)یان به‌ ئینگلیزى، (76) به‌ فه‌ره‌نسه‌یى، (73) به‌ ڕووسى …

١. ٢. ڕۆژنامەگەری

گۆڤار و ڕۆژنامه‌ و بڵاوكراوه‌ كه‌ سه‌رچاوه‌یه‌كى ده‌ستى یه‌كه‌مى نووسینه‌وه‌ى مێژوو و ئاوێنه‌یه‌كى باڵانوێنى كایه‌ جیاجیاكانى ڕۆژگارى خۆیانن، وه‌ك ئه‌ركێكى بنكه‌ بووه‌ بۆ زیندووكردنه‌وه‌یان و تا ئێستا ژماره‌یه‌كى دیاریان لێ له‌ چاپ دراوه‌ته‌وه‌، هه‌وڵ دراوه‌ به‌شى هه‌ره‌زۆری ئه‌وانه‌ی ناوه‌وه‌ و ده‌ره‌وه‌ى كوردستان، جگه‌ له‌وانه‌ كه‌ به‌ عه‌ره‌بى و فارسى و توركیى عوسمانیش ده‌رچوون، كۆبكرێنه‌وه‌، وێنه‌ى ئه‌لكترۆنییان بگیرێته‌وه‌ و پۆلێن و پێڕستیش بكرێن. ئه‌م به‌شه‌ ئه‌مانه‌ى تێدا پارێزراون:

(1187) ڕۆژنامه‌ و گۆڤار و بڵاوكراوه‌ى زمان جیاواز، له‌وانه‌: (76) ڕۆژنامه‌، (483) گۆڤار، (52) بڵاوكراوه‌، واته‌ سه‌رجه‌م (631) كوردی؛ (442) گۆڤار و ڕۆژنامه‌یان عه‌ره‌بی؛ (55) فارسی؛ (11) توركی؛ (48) ئینگلیزى، فه‌ره‌نسه‌یى .. .