سەعات ١١ی شەوی پێنج‌شەممە ٢٠٢٣/٩/٧ دڵی مامۆستا جەمال بابان (١٩٢٧-٧/٩/٢٠٢٣)، پاش چەند ساڵێکی پیری و پەککەوتەیی، لە لێدان کەوت. بەڕێزیان، دۆست و هاوکار و پشتیوانێکی بنکەکەمان بوو.
بە ناوی بەرپرسان و کارمەندانی بنکەکەمانەوە سەرخۆشی لە بنەماڵە و کەسوکار و دۆستان و هاوڕێیان دەکەین و گیانی مامۆستای کۆچکردوویشمان شاد و ئاسوودە بێ و یادی بەخێر.
مامۆستا جەمال کوڕی عەبدولقادربەگی عەزمی‌بەگی بابان و دەرچووی کۆلیجی حقووقە ١٩٥٠. ساڵانێک وەزیفەداری حکوومەت بووە و پلەی وەک بەڕێوەبەری ناحیە و ئەمانەتداری گشتیی کۆڕی زانیاریی کورد و بەڕێوەبەری گشتیی دەزگای ڕۆشنبیری و بڵاوکردنەوەی کوردیی هەبووە و ١٩٧٦ خانەنشین‌بووە و ئیتر پارێزەریی کردووە.
کاتێک سەرۆکی شارەوانی بووە، گۆڤاری “سلێمانی”ی دەرکردووە. یەکەم سەرۆکی یەکێتیی نووسەرانی کورد ١٩٧٠ و سەرۆکی نووسینی خولێکی گۆڤاری “بەیان” بووە. دامەزرێنەرێکی “یانەی سەڵاحەدین”یش بووە لە بەغدا. ٢٠٠٥ “سەنتەری ڕۆشنبیریی بابان”ی دامەزراندووە.
بەرهەمەکانی:
¬١. خانزاد- چیرۆک، 1957.
٢. پەڵەهەورێکی چڵکن، چاپخانەی المعارف- بەغدا، 1958.
٣. خاڵە ڕەجەب، ترش و شیرین، چاپخانەی کامەرانی- سلێمانی، 1969.
٤. سەی کەڵەک- چیرۆک، دار الجاحظ- بەغدا.
٥. مامەیارە، چاپخانەی دار الجاحظ- بەغدا، 1973.
٦. جەمیل صائیب، لە خەوما، چاپخانەی کۆڕی زانیاریی کورد- بەغدا، 1975.
٧. خەڕەکە شکاوەکە، چاپخانەی الحوادث- بەغدا، 1989.
٨. هەندێک داوەریی بەناوبانگ، چاپخانەی کۆڕی زانیاریی کورد- بەغدا، 1981.
٩. سلێمانی شارە گەشاوەکەم، 4 بەرگ (بەرگەکانی 1-2، چاپخانەی دار الحریة- بەغدا، 1992، 1998)، (بەرگەکانی 3-4، دەزگای سەردەم- سلێمانی، 2000، 2002).
١٠. بابان في التاریخ ومشاهیر البابانیین، مطبعة الحوادث- بغداد، 1993.
١١. مذکرات علي کمال عبدالرحمن، مطبعة شرکة الخنساء- بغداد، 2001.
١٢. کاکینە و مستەفا صائیب، قسەی نەستەقی پێشینان، بەڕێوەبەرایەتیی گشتیی چاپ و بڵاوکردنەوەی سلێمانی، چاپخانەی ڕاز، ٢٠٠١.
١٣. عەبدولقادر قەزاز، پەند و ئامۆژگاری و هەندێک بابەتی‌تر، چاپخانەی شرکة الخنساء- بەغدا، ٢٠٠٢.
١٤. أعلام کرد العراق، دوو بەرگ، 2006.
١٥. یاداشتنامەی ژیانم، سلێمانی، 2007.
١٦. گەشتێک بە ناخی تەمەندا، دەزگای سەردەم- سلێمانی، 2007.
١٧. أصول أسماء المدن والمواقع العراقیة، ٣ أجزاء (ج١، مطبعة المجمع العلمي العراقي، بغداد، ١٩٧٦؛ ج٢، مطبعة الشهید آزاد هورامي، کرکوک، ٢٠٠٦؛ ج٣، مطبع الوقف الحدیثة، بغداد، ٢٠١٣).
١٨. واقع کرکوک، دار آراس- أربیل، 2012.
١٩. بابان لە مێژوودا و گەورەپیاوانی بابان، ناوەندی ڕۆشنبیریی ئەندێشە- سلێمانی، 2018.