بڵاوکراوەکان
ئەم بەشە سەرپەرشتیی هەموو بڵاوكراوە و لەچاپدراوێكی بنكەی لە ئەستۆدایە، بەم شێوەیە:
1) كتێب: بنكە، تا 2009 كە بنەیی تێدا گواستەوە بۆ ناو تەلاری ئێستای ژین، كاری سەرەكیی لەچاپدانی كتێب بوو لە بوارەكانی جێگەی بایەخی خۆی و ئەوەبەدوایش وەك بەشێك لە بنكە درێژەی بەم لایەنەی چالاكیی خۆی داوە. هێندێكی ئەو لەچاپدراوانە، لەبەر هەڵنەسووڕانی خەرجیی لەچاپدان، یا كۆمەكی داراییی كەسانێكی پشتیوانی وەك بەڕێزان مام‌جەلال، نەوشیروان مستەفا ئەمین، هێرۆ ئیبراهیم ئەحمەد، عوسمان عەبدولكەریم گێچینەبی، نەوزاد داود بەگی جاف، بنەماڵەی حافز مستەفا قازی، ئاكۆ محەمەدوەهبی، شوان ئەحمەد خواجە و لایەنی وەك وەزارەتی ڕۆشنبیری، بەڕێوەبەرێتیی گشتیی كاروباری شەهیدان و ئەنفالكراوانی سلێمانی، زانكۆی سلێمانی، مەكتەبی ڕاگەیاندنی ناوەندیی (ی. ن. ك) و ئیدارەی داراییی گشتیی (ی. ن. ك)ی بۆ پەیداكراوە، یان كراوە بە پڕۆژەی هاوبەش لەگەڵ دەزگای چاپ و بڵاوكردنەوەی دیكەی هەرێم و عیراق؛ وەك دەزگای ئاراس، دەزگای موكریانی، ئەكادیمیای كوردی، ئەكادیمیای هۆشیاری و پێگەیاندنی كادرانی (ی. ن. ك)، دەزگای چاپ و بڵاوكردنەوەی كوردی- بەغدا، المركز العلمي العراقي- بەغدا و المركز الأكادیمي للأبحاث- كووفە.
ئەم بەشە، گرنگییەكی زۆر بە جۆر و ناوەڕۆك و دەرهێنانی تەكنیكیی لەچاپدراوەكانی خۆی دەدا و زیاتر ئەو بەرهەمانە بڵاودەكاتەوە كە زانیاریی نوێ دەخەنە سەر ئەوانەی پێشوویان و كەلێنی دیار لە كتێبخانەی كوردیدا پڕدەكەنەوە. كۆی بەرهەمی بەشەكە تا كۆتاییی 2016 (177) كتێبە.
2) گۆڤار: جگە لەوە، ئەم بەشە لە 2009 بەدواوە گۆڤاری ساڵانەی كوردی- عەرەبی- فارسیی ژین بڵاودەكاتەوە، كە ئەویش پێ‌بەپێ تەرخانی هەمان ئەو بابەتانەیە كە بنكە كاریان بۆ دەكا، تا 2016 هەشت ژمارەی لێ دەرچووە.
لیستی کتێبەکان ناوەڕۆکی کتێبەکان گۆڤاری ژین
